ترنيمة عندى حكاية
عندي حكاية هأقولها للأولاد أولاد أصحابي ومن كل البلاد
حكاية عني وعن يسوع حبيبي ونصرتنا الأكيدة علي مكر الشيطان
"فتحوا ودانكم وانتبهوا لي كويس علشان تنتصروا دايماً وتبقوا في آمان"2
+ فـ الضلمة ماشي في مرة من المرات جالي يتسحب كأمكر الحيات
حاول يقولي دا أنت ماشي لوحدك وفي الضلمة أنت خايف قوم هات إيدك هات
قولتله أمش لأني مش لوحدي يسوع ماسك في أيدي وهو عشاني مات
+ وفي مرة بالعب مع ابن الجيران جه قالي اكذب عشان تبقي الكسبان
قولتله لأ يسوع راح يزعل مني وقلبي مش هايفرح مادام هو زعلان
قام فر مني وجه جنبي يسوعي في لحظة لقيته جنبي وحسيت بالأمان
ترنيمة واحد أبيض وواحد إسود
(واحد أبيض وواحد أسود واحد عكس التانى تمام
واحد إبن النور والتانى قلبه عنيد بيحب المال)2
+ (كان فيه واحد قصره كبير كان غنى قوى وفلوسه كتير
وواحد تانى إسمه لعازر كان غلبان قوىقوى وفقير)2
(الغنى كان بيحب فلوسه ولعازر بيحب الله)2
(لكن بعد ما عاشه زمانهم خسر الغنى خيرات الله
ولعازر من بعد أتعابه فاز بيسوع فاز بسماه)2
+ (مرة يسوع كان فى الهيكل دخلت واحدة فقيرة عليه
شايلة معاها كيس عطاياها كان وياها يادوب فلسين)2
(ودخل واحد غنى للهيكل كان وياه من الفضة كيسين)2
(الغنى أعطى من فضلاته كيس بشماله وكيس بيمينه
ادت هى من أعوازها رغم حاجتها للفلسين)2
+ (مرة واحد فكر يبنى بيت ويخليه أجمل بيت
جه على حبة رمل وحط أول طوبة وأول حيط)2
(وواحد جاره فكر يبنى جه على الصخر وحط البيت)2
(وفى يوم هب الريح شديد هد حطان بيت الرمل
أما الجار الشاطر كان كان يحميه بيت الصخر)2
+ واحد حط البيت ع الرمل والتانى ثبته فوق الصخر
واحدة ادت من أعوازها والغنى من فضلاته اداه
واحد كان بيحب فلوسه ولعازر بيحب الله
واحد أبيض وواحد أسود واحد عكس التانى تمام
ترنيمة احلى اسم
احلى اسم اسمك احلى صوت سمعته
صوتك انت يا ربى حبيبى يا يسوع
احلى اسم اسمك يا يسوع
دائما بتفرحنى وتقولى بحبك
متخافشى لانى انا دائما معاك
دائما بتفرحنى يا يسوع
احلى اسم اسمك احلى صوت سمعته
صوتك انت يا ربى حبيبى يا يسوع
احلى اسم اسمك يا يسوع
لما افرح
لما افرح يفرح وويايا والاقى هو اللى مفرحنى واما الحزن يكون جوايا
االاقياه بيزعل اكتر منى
وانا راح اقولها وبصوت عالى دا يسوع هو صديقى الغالى
لما اطلب يحقق طلبى اصل عايز منى اكون ناجح
وفى غلطى تسامحنى يا ربى اكتر ا صاحب شفته يسامح
بيطمنى فى كل طريقى بيطمنى يفرح قلبى
بيطمنى اصله صديقى بيطمنى دا يسوع صاحبى
دى ترنيمة للأطفال عن أسابيع الصوم الكبير
سكة طويلة راح نمشيها :::: سكة صومنا دى احلى حكاية
كل عيوبنا راح نرميها :::: الاستعداد راح يبقى بداية
1- فى الثانى انا شايف حرب :::: وملكها يسوع الغالى
وهزم ابليس بالحب :::: ودخل الحرب بدالى
2- فى الثالث ابن عنيد :::: ساب اهله وراح لبعيد
وفى لحظة ندم على غلطه :::: وابوه خلى اليوم عيد
3- فى الرابع السامرية:::: كان كل حياتها خطية
كلمها يسوع بحنانه :::: بقيت فى ايمانها قوية
4- فى الخامس كان مشلول :::: قاعد مابيتحركشى
وسمعت يسوع بيقول :::: يالا اتحرك قوم وامشى
5- فى السادس تلقى الاعمى:::: مش شايف غير الضلمة
ويسوع فتحله عينيه::::والنور اهه شق العتمة
6- فى السابع شايف لمة :::: ويسوع فى مجد عظيم
فى السابع شايف زحمة::::دا دخوله لللأورشليم
مستنى اخر اسبوع ::::دى قيامة الرب يسوع
اول ما بتيجى قيامته::::راح يشطب كلمة جوع
خلى الحب
خلى الحب يرفرف جوة جوة البيت اللى انت بانية
يبقى البيت مسنود وبقوة بس بشرط انت تكون فية
يلا باركهم هى وهو يبقى البيت انت اللى حامية
وانت ياربى اللى مجمعهم هما اثنين بس انت ثالثهم
يبنوا البيت اللى انت اساسة ومافيش حد يفرق بينهم
خلى ولادهم بيقوا ولادك خلى بناتهم بيقوا بناتك
جوة قلوبهم حط كلامك جوة قلوبهم حط سلامك
يصبح بيتهم احلى كنيسة جوة بيتهم بيقى مكانك
وانت يارب اللى مجمعهم هما اثنين بس انت ثالثهم
يبنوا البيت اللى انت اساسة ومافيش حد يفرق بينهم
ليست هناك تعليقات:
إرسال تعليق