كتير من غير المسيحيين يتسألون لماذا المسيحى بيرسم الصليب دائما وكذلك بيعلق الصليب على صدره وبيدق الصليب على يده ؟
والحقيقة الإنسان المسيحى نجده يعشق الصليب ويحترمه ويقدسه لان المسيح قدم الفداء للبشرية كلها على عود الصليب فنجد المسيحى يرسم الصليب عندما يصحو من النوم وعندما يصلى وعند الأكل وعند خروجه من المنزل وعندما يسمع اى خبر وعند الخوف وعند الحوادث وقبل النوم وعند مباركة الاشياء
وقبل شرب اى مشروب ......
وكذلك الكاهن يستخدم رسم الصليب لمباركة الشعب وفى كل صلاة سواء داخل الكنيسة أو خارجها
يعنى لا يمكن للمسيحى أن يستغنى عن رسم الصليب ولو للحظة واحدة
فالصليب هى شعار وعلامة المسيحية وفخر المسيحية وقوة المسيحية
ولرسم علامة الصليب فوائد كثيرة منها :
1- رسم علامة الصليب يذكرنا بفداء المسيح وسفك دمه الطاهر على عود الصليب .
2- رسم علامة الصليب لطرد الشيطان من المكان الذى نجلس فيه لان علامة الصليب مخيفة ومرعبة جدا للشياطين .
3- إن رسم علامة الصليب يذكرنا بإحداث روحية هامة وعظيمة تبعث خشوعاً فى النفس .
4- نرسم علامة الصليب للبركة فنرسمة على الأكل والشرب ليتقدس ويتبارك ولا ننسى قصة مارجرجس عندما أتوا بكأس به سم مميت فرسم عليه الصليب فلم يضره السم.
5- بالصليب نؤمن بموت وقيامة المسيح وبالثالوث وبالتجسد والفداء وكل العقائد المسيحية تقريباً.فرسم علامة الصليب يعتبر تلخيص للإيمان المسيحى كله
6- ولتذكير المؤمنين بالبركات التي حصلنا عليها بواسطة دم المسيح المسفوك على الصليب .
7- بالصليب نغلب الشياطين وننتصر على كل سحر
واليكم قصة من أروع القصص التى توضح عظمة رسم الصليب :
فى أحد الأديرة دخل راهب جديد ولازم كان رئيس الدير يمتحن الراهب الجديد عشان يوافق أو مايوافقش أنة يرسمه راهب,
كان الراهب الجديد بسيط وحلو الطباع نظيف مرتب يروح الكنيسة بدرى ويتناول كل أسبوع يحب أخواته الرهبان ويخدمهم نشيط خالص لكن يا خسارة ما كانش قادر يحفظ أى حاجة لاحافظ مزامير ولا آيات ولا حاجة خالص لكن يعرف يرشم الصليب ويقول ( قوة الصليب تحرسنى ) )
فكر ئيس الدير أنة يطرد الراهب الجديد لكن حصلت مفاجأة !!! نام رئيس الدير وحلم أن الأوضة(القلاية ) نورت نور جامد وفى وسط النور خرج السيد المسيح وطبعا سجد له رئيس الدير وقال لة السيد المسيح لا تطرد الراهب .. تعالى شوف بيحصل معاه اية ؟؟!!!
ربنا كشف عن عين رئيس الدير وشاف مجموعة من شياطين عاوزين يوقعوا الراهب فى أى خطية كل واحد كان يحاول يدخل قلايتة مايعرفش حتى يدخل للراهب واتكرر الكلام دة مع أكثر من شيطان واتغاظ رئيسهم وقال لهم هو حافظ مزامير ؟ يقولوا له لأ ......................... طيب بيقرا فى الإنجيل ؟؟؟؟؟؟؟؟ لأ
طيب مش قادرين تدخلوا قلايتة وتوقعوة لية ؟؟ردوا علية وقالوا لة طول النهار الراهب يرشم الصليب على نفسة وقوة الصليب تحرسنى وتحافظ على وقبل ما ينام يرشم الصليب .
صحى رئيس الدير وعرف معنى الحلم وراح قبل الراهب الجديد ووافق أنة يرهبنة
ولبسة لبس الرهبان .........
يا ريت كلنا نرسم الصليب بكل خشوع ووقار فى كل وقت
