اقوال للبابا كيرلس

معجزة حصرية رائعة وهى ببركة وشفاعة الملاك الجليل ميخائيل

بسم الاب والابن والروح القدس الالة الواحد امين +++

منيا القمح الزقازيق
الاسم /ج. ص
العنوان / مساكن الشيراتون . القاهرة
نوع المعجزة / حمل
تقرير المعجزة
بكل الشكر لرب المجد ربنا يسوع المسيح اكتب اليكم هذة المعجزة لكى تعرفوا انة لا شي يستحيل علي الهنا وربنا يسوع المسيح لة المجد والاكرام امين
انا عندى ابنتين وكان نفسي انا وزوجى نجيب طفل تالت لكن كل مرة بيحصل فيها حمل بينزل ودة سببة ميكروب كان في الدم
ومع التكرار في عدم استمرار الحمل نسيت انا وزوجى الموضوع وقلنا خلاص الرب ادالنا اتنين وهى دة ارادتة بس وحصل حمل تالت وبرضة مكملش فكنت زعلانة اوى من العدراء ام النور لان بشارة الحمل كانت في صيام العدراء فكان عندى امل ان يكتمل بشفاعة ام النور المهم انا رحت للدكتور وعمل كورتاج لان الحمل كان غير طبيعى فالدكتور قال ان الكيس فرغ وبقي مفيش جنين بعد النزيف اللي كان عندى فروحت البيت زعلانة قوي وكنت اعاتب العدراء جامد قوى وبتمكنى انها تكون سا محتنى بعد البكاء المرير قلت خلاص مش فكر تانى ابدا ومضي خمس ايام ثم اتصلت بي صديقة وقالت لي تعالي نروح الملاك ميخائيل كفر سمري فقلت لها بكل عصبية انا ما بروحش كنايس انا اعصابي تعبانة ومش عايزة انزل وطبعا الغضب اللي كان جوايا لانى قبل ماحمل كنت بدهن المبيض اليمين بزيت ابو سيفين والمبيض الشمال بزيت البابا كيرلس غكان عندى امل كبير انة يتم الحمل بشفاعتهم معايا
المهم بعد ضغط شديد من صديقتى رحت معاهم كفرسمري عند الملاك ميخائيل واتناولت من الاسرار المقدسة وانا خارجت لقيت ابونا صموئيل فطلب منة زوجى ان يصلي لي علشان نفسيتى تهدا شوية فاول ماشافنى ابونا صموئيل سالنى انتى عندك اولاد فقلت لة ايوة يا ابونا عندى بنتين قالي طيب باسم يسوع المسيح بتيجى السنة اللي جاية ومعاكى ميخائيل تعمدية هنا فضحكت وقلت لة انا مش هاسمى ميخائيل ومش هاعمد هنما يا ابونا فضحك ابونا وقالى طيب ابقي تعالي بية

صدقونى اللي هاقولة دلوقتى فوق كل عقل تصدقة وانا في السكة حسيت باعراض حمل مغص وقرفة من الاكل زى اللى انا عرفاها في حملى فرشمت الصليب وقلت ماتخليش الشيطان يلاعبك وفي طريقنا للقاهرة زادت الاعراض فعندما اقتربنا الى المنزل طلبت من زوجى ان انزل الصيدلية فلما سالنى لية قلت لة هاجيب حاجة وهاجى وفعلا اشتريت اختبار حمل منزلى واول ما دخلت البيت عملتة واذا المفاجاة لقيت الاختبار ايجابي فكدت اصرخ من المفاجاة واقول انا حامل فضحك جوزى وقال لي بلاش تهيئات احنا قلنا الموضوع دة انتهى فاخدت التليفون وكلمت الطبيب المتابع لحالتى وقلت لة ماحدث فقال لى تعالي حالا انا مستنيكم لو كان حد تانى كلمنى كنت قفلت السكة في وشة ازاي يطلع حمل وانتى لسة عاملة عملية تنظيف من خمس ايام
والمفاجاة
عندماعمل الدكتور السونار وجد اننى فعلا حامل والكيس الجنينى كويس جدا وكمان لقي كيسين يعنى توام فضحك الدكتور وقال " انتوا المسيحين عندكم حاجات فوق العقل البشري" فخرجنا من عند الدكتور فرحانيتن جدا وشاكرين لرب المجد وشفاعتة ام النور والبابا كيرلس وابو سيقفينم وصلوات ابونا صموئيل وبشرتة الحلوة لي
ربنا يفرح قلوبكم كلكم ويبارك حياتكم امين

دوبى دوبى فينا

قرار

دوبى دوبى فينا يا كنيسة يا أمينة              بروحك عيشينافى ايمانك ثبتينا

وللأبدية اهدينا اهدينا وللمسيح ودينا

1-     آة لو المسيح يدينا فى مرة ويكشف لينا

ونشوف الكنيسة... بالروح مش بعنينا

هنلاقيها سماء ثانية بالنور متزينة

ونشوف قديسين وملايكة والمسيح وسطينا

2-     المذبح ببهائة و مجدة شايفينة بعنينا

يدعينا لوليمة بهية من السما لينا

جسد ودم الهنا يسكن  فى قلبنا

ومجد وأفراح و سلام سما ثانية لينا

3-     تمام زى عروسة جميلة والمسيح عريسك

أسرارك جواهر سبعه مزينة تاجك

قربانك لقمة محبة بياكلها أولادك

وشموع وقناديل وبخور عطور فى أنفاسك

4-     رضعتينا لبن الحب وأنت بية غنية

دوقتينا على الأرض  طعم الأبدية

فهمتينا كلام الهنا عن السماء

بالأجبية والأنجيل و الأبصلمودية

كنيستى كنيستى كنيستى

ق: ( كنيستى  كنيستى  كنيستى        هى بيتى هى امى
                            هى سر فرح حياتى )2
1- لما كنت صغير ليا                          اربعين يوم بالتحديد
    خدنى اهلى بفرحة بهية                على الكنيسة للتعميد
    شلنى ابونا من رجليا                    وغطسنى فى جرن غويط
    كانت هى المعمودية                    هى ليا ميلاد جديد
2- اتربيت من صغرى فيها                  جوا مدارس الاحد
    تفرح بيا وافرح بيها                      اصل ايمانى فيها زاد
    ابنى مبادئ من تعليمها               واطاوع كل ارشاد
    ياالهى حافظ عليها                     لتكون على مر الاعوام

كان فى عنقود عنب

كان فى عنقود عنب خده راهب من الرهبان		طلع من غير اوانة وداه لرئس الدير
اخده رئس الدير فكر يديه لراهب		مكاريوس الكبير تعبان و سنه كبير
قام قاله  أنت تفوز والخير اللى ييجى		أنت راهب عجوز نديه للى يعوز
اخده الراهب خجلان معقوله أنا اللى اكله		وقال هو كمان واخويا يبات جعان
فضل العنقود ده كتير واخيرا رجع تانى		يلف بدون تفكير لمكاريوس الكبير
قام القديس فى الحال هاحكى لكم على حكايه		جمع الرهبان وقال انما عال العال
انا شايف المحبه ودلبلى الاكيد		بتزيد حبه حبه ادى عنقود المحبه
يا ربي أنت النور والشمعه لما تنور		أنت الله المحبة ضؤها ما يستخبى
كان فى عنقود عنب خده راهب من الرهبان		طلع فى غير اوانة وداه لرئس الدير

كلمات ترنيمة يا ماريمينا العجايبي، يا قريب من قلبي   *

يا مار مينا العجايبي تملّي أنا بفتكرك يا مار مينا العجايبي تملي أنا بفتكرك مار مينا... مار مينا...		يا قريب من قلبي واسمك على لساني يا قريب من قلبي واسمك على لساني مار مينا ... يا مار مينا
يا مار مينا العجايبي شفاعتك بتكون عجيبة يا مار مينا العجايبي شفاعتك بتكون عجيبة مار مينا... مار مينا...		يا بطل كل الشجعان وبتمحي كل الأحزان  يا بطل كل الشجعان وبتمحي كل الأحزان مار مينا ... يا مار مينا
يا مار مينا العجايبي موجود دايماً مع ربي يا مار مينا العجايبي موجود دايماً مع ربي ماريمينا... ماري مينا... ما رمينا... مار مينا... مار مينا... مارمينا...		نلت تلات أكاليل بالفرحة وبالتهليل نلت 3 أكاليل بالفرحة وبالتهليل مار مينا... يا مار مينا مار مينا... يا مار مينا مار مينا... يا مار مينا

                                                تماف ايريني

كلمات ترنيمة إحكي يا تاريخ وقوللنا   *

احكي يا تاريخ وقول لينا عن إيمانهم وحبهم عن دمائهم		عللي، ع إللي كانوا قبلنا عن عطاءهم وبذلهم عن الشهداء والقديسين
كان إيمان ثابت متين وكان حبهم بردو ثمين للفادي رب العالمين		ما بيتزعزع ما بيميل للفادي رب العالمين واحكي يا تاريخ واحكي يا تاريخ
احكي يا تاريخ وقول لينا عن إيمانهم وحبهم عن دمائهم		عللي عللي كانوا قبلنا عن عطاءهم وبذلهم عن الشهداء والقديسين
كان عطاءهم بردو كثير نسيو يكلوا نسيوا الراحة علشان الرب القدير		للمسيح مفيش تفكير علشان الرب القدير واحكي يا تاريخ احكي يا تاريخ
احكي يا تاريخ وقول لنا عن إيمانهم و حبهم عن دمائهم		ع للي، عللي كانوا قبلنا عن عطاءهم و بذلهم عن الشهداء و القديسين
حتى الدم كان مش غالي للي كان دمه يسيل لأن معاه بيكون اكليل		كانت فرحة ومقام عالي لأن معاه بيكون إكليل واحكي يا تاريخ احكي يا تاريخ
احكي احكي احكي عللي فات عن الحب بصحيح احكي يا تاريخ احكي يا تاريخ		ما يهمكش الصفحات لحبيبهم وحبيبنا المسيح احكي يا تاريخ احكي يا تاريخ

كلمات ترنيمة لما كان الدم بينزف | طوباكي يا عدرا   *

لما كان الدم بينزف               كنت واقفه يا حنون

حزينة والمع ما ينشف           على فادينا الحنون

اصل حبه جوا قلبك                خلى كل شيء يهون

دمعك الغالى في عينك            بقى عنده تاج مضمون

طوباك يا عدرا يا غالية                   يا أمنا الحنون

يلى في نظرنا عالية              والكل بيك مفتون

ياعدرا           ياعدرا

 ياعدرا           يا حنون

ترنيمة حبيبى ايا من لأجلى جرحت بروابط شعرية د: بشري عجمان

رسالة من يسوع

قصيدة متبكيش

الواو- د/ بشرى عجبان

قصيدة اعمل ايه فيكى يا بلد من مسيحى محروق دمه