يا ربى يسوع المسيح
انت وحدك العلى بارك كل اعمالى
الفا فيتا غما دلتا
اى سوو دول اول ستة
الألفا اولهم غالى
ينطق آ مفخمة عالى
فى حروف اللغة القبطية
عندنا حروف اساسية
يتسموا المتحــــــــــركين
و هم ستة سهليــــــن
الفا و دة متحرك ( فتح )
او و اوميجا دة ( للضم )
اما المتحـــرك ( للكسر )
اى و ايتــــا و يـــــــوطا
و الفيتا دة ليه نطقين
حسب الحرف اللى بعدين
لو متحرك ينطق ( ڤ )
لو ساكن هنقوله ( ب )
فى أربع حـروف حــلقية
فى حروف اللغة القبطية
كـــــى و اكـــسى و كبــــا
و غما دى أســــــاسيــة
اما الغما دة مش معقول
(ج) مع (غ) و كمان (ن)
لو بعده متحرك كسر
ينطق (ج) فى كلمة جسر
لو بعده حلقى هيكون
نطق الغما على طول (ن)
لو ماجاش بعده الاتنين
ينطق حـــــرف الغما (غ)
و الدلتا سهل و جميل
ينطق (ذ) فى كلمــة ذيـل
فى الأسماء هنقوله (د)
و دافيد لينا احلى مثال
حرف الأى ينطق (ايه)
كسر خفيف فى كلمة (ليه)
اما السوو من الأرقام
و رقم ( 6 ) بالتــــمام
زيتا ايتا ثيتا يوطا
كبا لولا حروف مظبوطة
حرف الزيتا ليه حاجتين
شبه ( (zو نطقة (ز)
و الأيتا دة كسر طويل
شبه (ى) فى كلمة (فيل)
أما اليوطا دى بالمرة
(ى) خفيفة ذى الكسرة
حرف الثيتا ليه نطقين
لو جه قبله (س)او(ش)
لو قبله هنقوله (ت)
لو مش قبله ينطق (ث)
حرف الكبا ينطق ( ك )
بعده اللڤلا ينطق ( ل )
مثال للكبا كاراس
اما الڤلا كلمة لاس
مىّ نىّ اكسى او
و معاهم (بى) و (رو)
نطق (م) نلاقيه فى المىّ
اما (ن) فى حرف النىّ
حرف الأكسى دة حرفين
ينطق ( ك ) + ( س )
اما الأو بنقولة ضمة
و مثال (كُل) أفضل كلمة
حرف البى ينطق (ب)
بعده الرو بنقوله (ر)
مثال للبى كلمة بيلى
اما الرو كلمة راشى
سيما تاف ابسلن و فىّ
و معاهم ابسى و كىّ
حرف السيما زى ال C
بعده التاف زى ال T
حرف الابسلن ينطق (ڤه)
و كمان (اوو) و كمان (ى)
بعد ( الاى ) و بعد ( الالفا )
ينطق (ڤ) فى كلمة eva
نطق الأوو دة هيكون
لو جه قبله الأوميكرون
لو الثلاثة مجوش قبله
يبقى ال(ى) هو نطقه
نطق ال(ف) نلاقيه فى الفىّ
اما ال(ك) فى حرف الكىّ
حرف الكىّ دة حرف متين
(ك) مع (خ) و كمان (ش)
لو اصل الكلمة قبطى
ينطق (ك) زى كيمى
لو اصلها يونانى
على حسب الحرف التانى
(ش) لو كان متحرك كسر
(خ) لو كان غير الكسر
اما الأبسى دة حرفين
ينطق (ب) + (س)
اوميجا و شاى - فاى و خاى
هورى – جنجا – تشيما - تى
اوميجا دة غير الأوميكرون
واو مفتوحة فى كلمة (جون)
نطق ال(ش) نلاقيه فى الشاى
اما ال(ف) فى حرف الفاى
خاى نطقه هو ال(خ)
اما الهورى نطقه (ه)
اما الجنجا ليه نطقين
حسب الحرف اللى بعدين
(چ) لو كان متحرك كسر
(ج) لو كان غير الكسر
و التشيما دة حرفين
ينطق (ت) + (ش)
آخر حرف هو تى
زى اسمه ينطق (تــى)
ليست هناك تعليقات:
إرسال تعليق