انا عصفور
انا عصفور فى السما باطير شفت اتنين حلوين
واحدة فيهم ملكة والتانى شفته امير
يلا نفرح يلا نطير للملكة والامير
دى الملكة هى العدرا ومارجرجس الامير
(غني يا عصفور أحلي الترنيمات طيرنا معاك نأخد منهم بركات)2
لما نادي علي العدرا أمنا بتصعد الصلاة للسما زي البخور
3- أما أمير شهداءنا مارجرجس الروماني فإلهنا بيبعتهولنا لنا لما نناديه في ثواني
ترنيمة مش فاكر
مش فاكر إمتي يا ربي أتعلمت اقول الله
مش فاكر أنا مين علمني أنطق إسمك يا الله
بس فاكر إني أعرف اعرف إسمك من زمان
فاكر إني أعرف حبك اللي قلبي بيه مليان
+ مش فاكر إمتي يا ربي أول مرة جيت هنا
أول مرة جيت كنيستك وحنانك ضمنا
بس فاكر إني أعرف أعرف بيتك من زمان
فاكر إني أعرف حبك اللي قلبي بيه مليان
+ مش فاكر إمتي قالولي إنك جيت لأرضنا
جيت ودمك سال علشانا بدل ما يسيل دمنا
بس فاكر إني باحكي عن صليبك من زمان
فاكر إني أعرف حبك اللي قلبي بيه مليان
احنا جنود
إحنا جنود ويسوعنا قائدنا وبنسلك فى طريق النور
وخطاوى رجليه سكتنا خطوة بخطوة وراها طابور
راية مجده هى رايتنا(2) راية غالب مش مغلوب
راية غالب غالب غالب مش مغلوب
إحنا جنود ويسوعنا معانا بيعدى بينا البحور
لو فرعون بجيوشه ورانا هايعدينا لأرض النور
أصل قائدنا (3) هو يسوع
أحنا جنود ويسوعنا الهنا مهما يكون السورمغرور
راح تدخل لاريحا رايتنا مما يكون شكل السور
أصل قائدنا (3) هو يسوع
ترنيمة ملاكي الحارس
ملاكى الحارس هو حارسنى ماشى معايا وبيونسنى
إن رتلت معايا يرتل وإن سبحت معايا يسبح
صوتك جميل لأ صوته أجمل ولأفراحى هو بيفرح
دايماً تحت جناحه واخدنى عن طريق الشر بيبعدنى
وقت المذاكرة بيساعدنى وفى إمتحاناتى يرشدنى
ماهو أصل ملاكى ملاكى ماهو أصل ملاكى حارسنى
ملاكى
وكمان جوة البيت وياى عمال بيبارك فى غدايا
يملأ علىّ البيت بهدايا وقبل ما أطلب ألقى عطايا
ماهو أصل ملاكى ملاكى ماهو أصل ملاكى حارسنى
ملاكى
بيعلمنى أكون فرحان وأرتل وأحفظ ألحان
وبيثبتنى على الإيمان ويخلينى أعيش فى أمان
ماهو أصل ملاكى ملاكى ماهو أصل ملاكى حارسنى
ترنيمة عندى حكاية
عندي حكاية هأقولها للأولاد أولاد أصحابي ومن كل البلاد
حكاية عني وعن يسوع حبيبي ونصرتنا الأكيدة علي مكر الشيطان
"فتحوا ودانكم وانتبهوا لي كويس علشان تنتصروا دايماً وتبقوا في آمان"2
+ فـ الضلمة ماشي في مرة من المرات جالي يتسحب كأمكر الحيات
حاول يقولي دا أنت ماشي لوحدك وفي الضلمة أنت خايف قوم هات إيدك هات
قولتله أمش لأني مش لوحدي يسوع ماسك في أيدي وهو عشاني مات
+ وفي مرة بالعب مع ابن الجيران جه قالي اكذب عشان تبقي الكسبان
قولتله لأ يسوع راح يزعل مني وقلبي مش هايفرح مادام هو زعلان
قام فر مني وجه جنبي يسوعي في لحظة لقيته جنبي وحسيت بالأمان
+ خدها نصيحة علي مر الأيام إبليس لو جالك ماتسمعلوش كلام
قوله يا شاطر ماتتشطرش علي عشان أنا مش قدك ملكش معايا كلام
إن كنت شاطر تروح تتحدي ربي وهو هايوريلك ويغلبك كمان.
ليست هناك تعليقات:
إرسال تعليق