موسوعه للنكت البايخه
كل اللى عنده نكت بايخه يتفضل معانا
ايديكم فى ايدى نشل بعض
بالنكت دى
دواعى الاستعمال
1- قفدان الامل فى الحياه والرغبه فى الموت بالسكته القلبيه
2- لو حد خانقك اوووى وطابق على نفسك اديله اللينك بتاع الموضوع على طول
الاثار الجانبيه
مفتوح كله موجود بحبح ايديك على قد ما تقدر
لا ينصح بيه الاطباء
يحفظ بعيدا عن ايدى الاطفال
وينصح باستعمال الدكتور الاستاذ المعلم
سيد أذيه الحانوتى
الموسوعه عباره عن مراحل
اللى هيقدر يصمد اكتر
لحد ما يقرا كل النكت
يبقى حاجه من تلاته
1- مبيعرفشى يقرا
2-صووووور
3- انشل ومعرفشى يقفل الصفحه
الاولى :
مره واحد راح لبقال قاله عندك جبنه
قاله : ليه و انا موتسكل
وقعت عليه العماره مات
الثانيه :
مره واحد بيحب يمشى
ويمشى مبيحبوش
الثالثه :
غبى بيشتغل سواق تاكسى بالصين( البلد اللى شبه بعضهم دول) كل لما واحد يشاور له يقوله السواق: يابنى ماأنا لسه موصلك دلوقتى..!!!!
الرابعه :
واحد حلاق أشتغل حكم رايه كل لما يحصل تسلل ينفض الرايه...
الخامسه :
* مره واحد دخل على ناس بتحشش قالهم حرااااام عليكم
قالولو عليكم الحراااااام
في انتظار مشاركاتكم
وانا هبدأ
مره واحد واقف واقف مع اتنين صوحابه
فقال انا مسمينى منشف ريئ البنات
فقال واحد من صحابه يااااااه
ده باين عليه جامد اوووى
منشف ريئ البنات
فالتانى رد عليه
قالوه لاء ده من كتر ما البنات بيشوفوا يتفوووو على وشه
******************************
انتوا لسه مغيرتوش الصفحه بعد اللى فاتت
طيب خدوا دى فى العضم
ليه الفيل بيلبس فنله حمرااا
علشان الخضراء مغسوله
***********************
اللى عاش ولسه مكمل معايا
مره واحد غبى
اووووى
نايم فى الشراع
ف 3 حراميه طلعوا عليه سرقوووا
وحلقوله شعره
فقام من النوم الصبح
بيحط ايده فى جيبه
لقى معهوش فلوس
قعد يصرخ ويوصت
ويلطم ويقول اتسرقت
فبيحط ايديه على شعره
لقى نفسه اقرع
قال الحمد لله مش انا اللى اتسرقت
*******************************
انتوا لسه مكملين النكت ومتابعين
والله لاوريكوووووووو
مره واحد بيسال واحد معاك جنيه قاله بص
روح موقف الاتوبيسات هتلاقي 6اتوبيسات واقفين
اركب اول اتوبيس هتنزل هتلاقي مترو اركب المترو
انزل تالت محطه هتلاقي 4ميكروباصات اركب اول ميكروباص
انزل هتلاقي 3شوارع ادخل في الشارع الاول
هتلاقي 8عمارات
ادخل في العماره الرابعه
هتلاقي 6ادوار اطلع الدور الخامس
هتلاقي 4شقق ادخل الشقه الاولي
هتلاقي 3اوض ادخل الاوضه التانيه
هتلاقي دولاب فيه 4درف افتح الدرفه الاولي
هتلاقي مصحف هاته علشان احلفلك اني معييش
*****************************************
كمان
طيب
مره واحد مسطول دخل سوبر ماركت وطلع لاصحابه بيضحك
فبيسألوووه انت بتضحك ليه
قالهم اصلى استعبط صاحب المحل الاهبل واديته 10 جنيه وماخدتش بيهم حاجه
***********************
ده انا متغاظه من نفسى انتوا لسه هنا
مره فى بنزينه
فجت فيها عربيه ترله
فقالت انا عايزه
70 لتر
فمونت ومشيت
وبعد كدا جت عربيه
ميكروباص
قالت عايزه 40 لتر
وبعد كدا جت عربيه
ملاكى
قالت عايزه
10 لتر
وبعد كدا جيه تكتك
جيه قال
عمووو
امووو
********************************
انا خايفه عليكوووا
كفايه اوى لحد كدا
هاااا يا ريت تطمنونى على صحتكم بعد النكت
وهل فى امل فى شفاكم ولا لاء
وبما ان هدفنا ان يسود الشلل بين القارئين فأحب اضيف بس ياارب تستحملو دي
(مرة واحد عنده اربع اولاد وعنده بطة صفرا بيحبهاا اوي
في يوم ضااعت البطة الصفرااا راح الراجل جمع اولاده وقلهم تدورو علي البطة والا هموتكم ..نزل الاول يدور هنااا هنااك ملقاش حاجة رجع لباباه راح مموته..نزل التانى يدور هنا هناااك ملقاش برده حااجة رجع لباباه راح برده مموته..نزل الثالث يدور هنا هناك والنتيجة واااحدة رجع لباباه راح متاوي جمب اخوااته..نيجي للرااابع نزل يدور برده ملقاش حاجة رجع لبابااااه راح مموته....بس)
طبعا جااامدة
نكمل كورس الشلل
(مرة واحدة وخطيبهاا نزلين يخرجو وهما راايحين الكافيه افتكر انه نسي الفلوس قااالته مش مهم هدفع انا المرادي...راحو الكافية ووقت الشيك قالهاا انا مش هقدر اخلي تدفعي انتى استنينى اروح اجيب الفلوس واجي بسرعة...المهم فضلت مستنيااااه..الويتر جلهااا وقلهااا لازم تدفعي الشيك دلوقتى ..قلتله استنى شوية..المهم اتأخر اوي خطيبهااا..راح الويتر جبلهااا الظبوطة قالهاا لازم تدفعي دلوقتىىى ..قلتله لاء..رااح الظبوطة قاايل للويتر خد الشنطة بتعتهاااا وهات الفلوس منهااا ..قلتله لاء لاء لاء الا الشنطة رااح اخدهااا منها بالعااافية وبيفتح الشنطة ...تخيلووو لقي فيهاااا ايه؟؟
لقي فيهااا البطة الصفررررر
نكت فيها شوية شلل على رخامه
ونقلتها لكم عشان ارخم عليكو شوية
هههههههههههههههههه
اسيبكوا بقى تتفرسوا شوية
ههههههههههه
صعيدي اشتري كمبيوتر... شال الmouse وحط جاموسة
كتبت أحدي الصحف القومية عن ظهور البؤبؤ....
وبدأت الناس تتسأل هل ممكن يشوفوا البؤبؤ قبل ما يموتوا ويتحقق لهم حلمهم الكبير...
وكانت المفاجأه بعد شهرين..كتبت الصحف أن البؤبؤ سوف يقوم برحلة حول العالم علي متن سفينتة الخاصة....ومن ضمن برنامج الزيارة سوف يجيء الي مصرنا الحبية أرض الكنانة..
وأجتمع مجلس الوزراء...وبدأوا يعدوا العده لزيارة البؤبؤ
تم تجديد ميناء الأسكندرية....وفتح محلات وبازرات ومطاعم وبناء فنادق فاخره لأستقبال السياح من جميع أنحاء العالم...التي سوف تأتي في جموع غفيره...لمشاهدة البؤبؤ..
وجاء اليوم الموعود...وظهرت السفينة..وها هي تقترب من رصيف الميناء
رويدا رويدا....ورست السفينة علي الرصيف....
وظهر قبطان السفينة...وكان يحمل بيده زجاجة كبيرة...
فألقي بها في الماء ......وعملت بؤ بؤ بؤ بؤ
عملوا مسابقه عالميه بين واحد ياباني وواحد صعيدي اللي يضرب التاني ضربه اقوي
والدنيا اتقلبت اعلام وصحافه وتصوير ومطافي ( قتقلي ليه مطافي ) هيا بتيجي علي طول في اي مناسبه
المهم جاء الصعيدي وقال للياباني أحنا معروفين بالكرم اضرب أنت أول يالياباني.
الياباني ماصدق خبر قام نط فالهوى وعمل حركتين فالسماء وضرب الصعيدي في رقبته.
الصعيدي على طول أغمى عليه وودوه للمستشفى قسم العناية المركزة.
اجتمعوا العالم على الياباني وسألوه ايه الضربه الجامده دي احنا اول مرة نشفها ؟ رد عليهم هذه ضربتي الخاصة وسميتها: شنغ منغ بوو.
بعد أسبوع صحى الصعيدي من غيبوبته وطلب المبارزة مع الياباني طبعا دلوقتي دور الصعيدي هو إلي هيضرب الياباني .
وكالعادة اجتمعت الصحافة والقنوات الفضائية والعالم ......والياباني واقف مستنى الصعيدي يضربه الضربه
المهم جاء الصعيدي ولابس عابيه ولما قرب للياباني طلع الصعيدي حاجه غريبة من عبيته وضرب بيها الياباني: .... الياباني مراحش المستشفى خده دفنوه علي طول من قوة الضربة .
وسألوا الصعيدي ايه الضربة إلي قتلت الياباني ؟ رد الصعيدي وقال:هذه سين ميم جيم
( س م ج)
ياعني ايه س م ج ؟
قال الصعيدي يعني: ساطور ملفوف بجرنال !!!!؟
(اموت فالشلل العنيف)
مره راجل خلف ولد جبله كوره بنج بونج حمره دخل المدرسه جبله كوره بنج بونج حمره دخل الجامعه جبله كوره بنج بونج حمره خلص جامعه جبله كوره بنج بونج حمره اتجوز جبله كوره بنج بونج حمره ابنه خلف ولد جبله كوره بنج بونج حمره المهم ابوه تعب شويه وابنه راحله بيساله يابا ايه حكايه الكوره البنج بونج حمره ابوه قله ..... اء ومات
واحد بيقول لحبيبته يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــن
مره اغلس اتنين فى العالم
قعدوا مع بعض
الاول بيقول للتانى
ماتيجى نغلس
التانى قاله لااااااااااا
الاول قاله لييييييييييييه
التانى قاله غلااااااااااااااااااااااااااااااااااااااااااااااسه
مرة واحد وقف تاكسى
قاله : حدايق القبة
قاله حتضايقها ليه يا عم
مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم
يا عمو عاندك تورته بالكوسه يقوله لأيا حبيبي
المهم الولد إستلم صاحب المحل 3 شهورعلي نفس النظام صاحب المحل قال لما أقوله اه فيه وخلاص
جه الولد اليوم اللي بعد كده قاله عمو عاندك تورته بالكوسه قاله أه يا حبيبي
رد الولد قاله يععععععععععععععععع
نزل قرار فى البلد بمنع الصعايده من السفر طب يعملوا ايه عشلن يعرفوا الصعايده قالك احنا
نجيب جوافاية ونسأل كل واحد ده ايه الصعيدى هيقول على الجوافة دوافة واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جوافة ب قاله الظابط مظبووط قام قاله وايه دي؟ قاله الصعيدي ماندة (مانجة)
كان فيه بنت مشاغبه جدا في المدرسه راح الاستاذ وداها للناظر فالناظر بيقولها انت عملتي ايه
قالتلو انا بس رميت ورده من الشباك
قالها بس كده؟ خلاص روحي على صفك
بعد شويه جت بنت متكسره ومتعوره الناظر بيقولها انت مين
قالتلو انا ورد اللي اتراميت من الشباك
كان يامكان كان فى مرة بطة كانت بتروح عند البقال تقولو عندك حلاوة يقولها
لاء.اليوم التانى عندك حلاوة يقولها لاء.....اليوم تالتت عندك حلاوة يقولها لاء فالبقال زهق بقى وقالها لو جيتى تانى هدبس رجليكى بالمسامير فى الارض...فراحته بعدها تانى قالتلو عندك مسامير قالها لاء....قالتلو طب عندك حلاوة
مرة واحد رجع ف كلامه داس اللي وراه!
مرة واحد عداه العيب خد العيب اللي بعده!
مرة واحد كبر دماغه ما عرفش يقلع الفانلة
مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك"
مدرس جغرافيا جاب لمراته هدية سلسلة جبال .
عجوز وجدت مصباح علاء الدين، فقال لها العفريت: ماذا تتمنين؟ فقالت له:أتمني أن اصبح بيضاء ويلتف حولي الرجال، فحولها الي حمام عمومي!
مرة واحد أكل جوز هند، قامت هند اكلت مراته!
اتنين بلدياتنا زهقوا من الضحك عليهم فسافروا الهند، أول مانزلوا من الطيارة لقوا الهنود بينحنوا عشان يحيوهم، فواحد منهم سأل الثاني: هما بيحترمونا كدة ليه؟ قال له: أصلهم هنا بيعبدوا البقر!
ميكا نيكي فتح ورشة وكتب يافطه علي الباب الصبر مفتاح 14 .
في إثنين راحو مع بعض، رجع بعض وسابهم لوحدهم!
مدرس كيمياء رزق بولد .... فسماه سامي أكسيد الكربون!
المدرس ما معنى كلمة "سبيل" الطالب:طريق المعلم: ممتاز اذا ما معنى كلمة سلسبيل الطالب:طرطريق!
مرة دكتور عظام نزل الشارع جريت الكلاب وراه.
في واحد وقفت ساعته .... جاب لها كرسي.
واحد كتب علي نمرة عربيته "أبوأحمد" ، فوقفته لجنة المرور، فقال: أبو ظبي مش احسن مني.
الاول : الشارع ده بيروح علي فين؟ الثاني : الشارع ده طول عمره هنا لا بيروح ولا بيجي!
مرة واحد بلع فوطة نشف ريقه
واحد سمع عن الدورة الدموية راح يسجل فيها.
مسطول بيقول لمسطول "أنااستنبطت بقلق مشقبز ف البلكونة" المسطول التاني قال له "يعني إيه بلكونة؟"
صعيدي اتخنق من النكت اللي بتطلع على الصعايدة، راح مسك النكت كلها حطها ف كيس و رماها ف البحر، السمك طلع يضحك.
ايه بقى رايكو فى الرخامه دىىىىىىىىىىىىىىىى
ليست هناك تعليقات:
إرسال تعليق